PICHA NA HABARI ZAIDI KUHUSU KUUAWA KWA WATU WANAOSHUKIWA MAJAMBAZI MKOANI MBEYA

KAMANDA WA POLISIMKOANI MBEYA AKIWAONYESHA WANAHABARI WATU WALIOUWAWA KWA KUSHUKIWA KUWA MAJAMBAZI

KAMANDA DIWANI AKITOA MAELEZO ZAIDI KUHUSU MAITI ZA WATU HAO

MIILI YA WATU HAO WANAOSHUKIWA NI MAJAMBAZI BAADA YA KUUAWA NA POLISI

SILAHA WALIZOKUTWA NAZO

HILI NDILO GARI WALILOKUWA WANALITUMIA WATU HAO

SILAHA WALIZOKUWA NAZO

SILAHA ZAO

KAMANDA WA POLISI MKOANI MBEYA DIWANI ATHUMANI AKIFAFANUA JAMBO KUHUSU POLISI WALIVYOWANASA WATU HAO

ASKARI KANZU NA WATU WENGINE WAKIWA MBELE YA SILAHA WALIZOKUWA NAZO MAJAMBAZI HAO

PICHA NA HABARI KWA HISANI YA MBEYA YETU BLOG

MTANDAO wa Ujambazi nchini hususani Mkoani Mbeya umezidi kusambaratishwa  baada ya watu watano wanaodahaniwa kuwa ni majambazi kuuawa katika majibizano na Askari wa Jeshi la Polisi Mkoa wa Mbeya.

 

Kamanda wa Polisi Mkoa wa Mbeya Diwani Athumani amewaambia Wandishi wa Habari Ofisini kwake kuwa Tukio hilo limetokea leo majira ya Sita Mchana katika kijiji cha Garijembe Wilaya ya Mbeya katika Barabara ya Mbeya Tukuyu.

 

Alisema Jeshi la Polisi kupata taarifa za Kinterejensia waliweka mitego mbali mbali na kufanikiwa kuwanasa watu hao wakiwa kwenye gari lenye  namba za usajili T  911 BUG aina ya Toyota Spacio ambapo baada ya kusimamishwa katika eneo hilo wakitokea Kyela kuelekea Jijini Mbeya.

Alisema baada ya kusimamishwa ghafla walianza kurusha risasi ovyo  ambapo Askari walijibu mapigo na kufanikiwa kuwajeruhi wote watano ambapo waliwafikisha katika Hospitali ya Rufaa ya Mbeya kwa ajili ya Matibabu lakini Daktari alithibitisha kuwa tayari walikuwa wamekufa.

Aliongeza kuwa baada ya kufanyiwa upekuzi walikutwa na Silaha mbili ambazo ni bunduki aina ya SMG 848628 ambapo kwenye magazine zilibaki risasi 16 na bunduki nyingine aina ya Mark III yenye namba 94695J ikiwa na risasi mbili pamoja na Koa za Shaba.

Kamanda Diwani ameongeza kuwa taarifa za Kinterejensia zilieleza kuwa majambazi hayo yalijipanga kufanya uhalifu katika maeneo ya Ushirika, Tukuyu Mjini Wilayani Rungwe pamoja na Eneo la Uyole Jijini Mbeya.

Aidha alisema majina yao wala makazi yao hayakuweza kujulikana maramoja ambapo miiliehifadhiwa katika Hospitali ya Rufaa ya Mbeya na kutoa wito kwa wananchi kufika Hospitalini hapo kwa ajili ya kuwatambua ndugu zao ili wakabidhiwe kwa taratibu za mazishi.

Pia anatoa wito kwa wananchi wenye taarifa zinazohusu uhalifu kuzitoa katika mamlaka zinazohusika kwa wakati ili zifanyiwe kazi.