Tuesday, October 21, 2014

OSCAR PISTORIUS AHUKUMIWA KIFUNGO CHA MIAKA MITANO JELA


Oscar Pistorius amehukumiwa kifungo cha miaka mitano jela baada ya kukutwa na hatia ya kuua bila kukusudia kwa kumpiga risasi aliyekuwa mpenzi wake Reeva Steenkamp mwezi wa pili mwaka jana.Pia amehukumiwa miaka mitatu kwa kosa la kutumia vibaya silaha aliyokuwa anaimiliki kisheria lakini hukumu hiyo imesimamisha na badala yake atatumikia miaka mitano yote kwa pamoja.
oscar 2 oct 21 
Hukumu hiyo imetolewa na jaji mwanamama Thokozile Masipa baada ya kusikiliza kwa makini na kupima hoja za kila upande dhidi ya kesi hiyo iliyokuwa inamkabili mwanariadha huyo wa Afrika kusini.


Pia hukumu ya miaka mitatu imetolewa baada ya kuitumia bastola kinyume na sheria pale alivyoifyatua chini ya meza kwenye mgahawa wa Tasha uliopo Johannesburg mwezi January mwaka 2013,mwezi mmoja kabla hajamuua mpenzi wake siku ya wapendanao february 14,2013.

HUKUMU ILIVYOSOMWA

Katika hukumu yake,jaji Masipa alianza kusoma mwenendo mzima wa kesi jinsi ilivyokuwa inaendeshwa na hoja mbali mbali kutoka upande wa mashtaka na upande wa utetezi katika mahakama kuu mjini pretoria Afrika kusini.

Pistorius amepatikana na hatia ya kuua bila ya kukusudia mwezi uliopita baada ya kusababisha kifo cha Reeva Steenkamp pia kutumia sdilaha kinyume cha sheria tukio ambalo alilifanya kwa nyakati tofauti na lile la mauaji.

Jaji Masipa alisema wakati wa kuendesha mwenendo mzima wa kesi hiyo alikuwa na washauri wawili waliokuwa wanamsaidia katika kupima kila hoja zilizokuwa zinatolewa na pande mbili,lakini uamuzi wa hukumu ni wakwake yeye binafsi.

Alisema wakati mwingine kupata hukumu stahiki ni vigumu sana tatizo ambalo linazikabili mahakama nyingi zinazoendesha makosa ya jinai.


Masipa amesema kabla ya hukumu,upande wa utetezi ulipeleka mashahidi wanne wakatoi upande wa mashtaka uliita wawili tu katika kuthibitisha mashtaka waliyoyawasilisha mbele ya mahakama.

Akielezea ushuhuda wa daktari wa saikolojia Dr Löre Hartzenberg alisema kuwa alikuwa akimtibu Pistorius tangu alipofanya mauaji hayo mwezi february mwaka jana.
.

Hartzenberg alisema mahakama haina budi kuzingatia maisha ambayo amekuwa nayo mara baada ya tukio,kwani alipoteza marafiki,hakuweza kuendelea na kazi yake,na alikuwa ameathirika kisaikolojia.

Masipa alisema shahidi wa pili  Joel Maringa, ambae ni afisa ustawi wa jamii alipendekeza Pistorius angekuwa kwenye kifungo cha ndani lakini nyumbani kwake kwa miaka mitatu na kufanya kazi za kijamii kwa masaa yasiyopungua 16 kwa mwezi.

Meneja wa Pistorius Peet van Zyl, alikuwa ni shahidi wa tatu aligusua kuhusu matembezi ya hisani aliyopanga kuyafanya kuhusu kazi aliyokuwa anaifanya.

Ushahidi wa Van Zyl ulisema kwamba kabla hajamuua mpenzi wake kwa risasi,Pistorius alikuwa anaheshimika kama mwanamichezo mahiri ulimwenguni,amabae alitumia muda na pesa zake katika mambo mengi ya msingi.

Kwa mujibu wa  Van Zyl, amesema fursa ya pistorius kushiriki kwenye mambo yote hayo imesimamishwa tangu kifo Steenkamp

Shahidi wa nne ambae pia ni afisa ustawi wa jamii Annette Vergeer, ambae alitumia muda mwingi kuelezea hali mbaya na tete ya magereza ilivyo nchini humo.

Ameiambia mahakama kuwa jela za nchini humu hazikidhi mahitaji maalum ya Pistorius kulingana na hali yake.

Kwa upande wa mashahidi wa mashtaka dhidi ya Pistorius wa kwanza alikuwa ni binamu yake marehemu Steenkamp Kim Martin,ambae alielezea kwa undani kazi za mwanamitindo huyo marehemu pamoja na maisha yake binafsi yalivyokuwa.


Martin aliiambia mahakama jinsi Steenkamp alivyokuwa karibu saana na wazazi wake,Barry na June na aliwasaidia sana kifedha na walikuwa wakimtegemea kwa kila kitu.Jaji Masipa alibaini jinsi gani Martin alivyokutana na Pistorius kwa mara ya kwanza mwezi mmoja kabla ya kifo cha Steenkamp.Martin alikumbusha mahakama kuhusu taharuki iliyoikumba familia yao baada ya kupata taarifa ya kifo cha ndugu yao.

Alisema hali ya afya ya baba mzazi wa Steenkamp, Barry ilikuwa mbaya kwani alikuwa na msongo wa mawazo baada ya kifo cha mwanae.

Shahidi wa mwisho kwa upande wa mashtaka alikuwa ni kaimu mkurudenzi wa taifa idara huduma urekebishaji tabia Zac Modise alisema mfumo wa jela za nchi hiyo ni mzuri na unaweza kumhifadhi Pistorius.


Jaji Masipa aligusia namna upande wa utetezi ulivyotoa hoja kuwa Pistorius asiende jela kwa kuwa anahitaji msaada wa matibabau ya kisaikolojia na akakubaliana na hoja ya shahidi wa mashitaka bwana Modes kuwa huduma za aina hiyo zinapatikana na mwanariadha huyo anaruhusiwa kumpeleka daktari wake huko jela akamtibie.

alisema hata wanawake wajawazito ni kundi ambalo lina mazingira magumu sana kwenye jamii,na walikuwa wanakwenda jela na idara za amgereza ziliweza kuwahudumia vyema,hivyo haitakuwa vyema kwa sheria iwatazame kwa umuhimu wa kipekee watu wenye pesa na maarufu huku upande mwingine wa watu masikini waachwe.

Masipa anaamini kwamba upande wa utetezi umeegemea sana katika hoja zake kuhusu hali ya ulemavu aliyokuwa nayo Pistorius,lakini akasema ukiyaangalia maisha ya Pistorius hasa ya kazi yake alikuwa anashindana pia na watu wazima na alikuwa anashinda.

alisema hukumu yake imepangwa kuonyesha hali halisi ya Pistorius,kuwa aliweza kubadili mtazamo hasi wa watu dhidi ya ulemavu ana aliwavutia wengi hasa vijana,amesema jambo hili halitapuuzwa kamwe litaheshimiwa na kubaki kuwa hivyo japo meneja wake alisema akifungwa haya mambo yote aliyokuwa anafanya kwenye jamaii yatasimama.

Masipa anaamini  Pistorius anajutia kwa kile alichokifanya kutokana na ushahidi kwamba  alijaribu kuwatafuta wanafamilia wa Steenkamp kwa siri na kuwaomba radhi.


Baadae alimuamrisha Pistorius kusimama kisha akamhukumu miaka mitano jela kwa kuua bila kukusudia na miaka mitatu kwa kosa la pili ila ataitumikia yote kwa pamoja na miaka miwili inaanza sasa akiwa jela.

Pistorius baada ya hukumu aliweza kuwapa mikono baadhi ya wanafamilia wake kabla ya kupanda karandinga kwenda jela.


Monday, September 22, 2014

JOSE MOURINHO ADAI MAPENZI YA FRANK LAMPARD KWA CHELSEA YAMEKWISHA!


Jose Mourinho says Frank Lampard's love story with Chelsea ended when he joined a title competitor
 
Lampard slots home from inside the penalty area to send the City fans into ecstasy against his former employers
Lampard akiteleza katika eneo la penalti na kuifungia City bao.

Jose Mourinho anasema mapenzi ya Frank Lampard kwa Chelsea yalikwisha baada ya kujiunga na washindani wake

JOSE  Mourinho amesema mapenzi ya Frank Lampard kwa Chelsea yamekwisha baada ya jana kuifungia Manchester City bao la kusawazisha katika dakika za majeruhi uwanja wa Etihad.
 
Nyota huyo mwenye rekodi ya kufunga mabao mengi kwa muda wote Chelsea, alitokea benchi na kuiadhibu timu yake hiyo ya zamani, lakini Mourinho aligoma kukubali kuwa mchezaji huyo anayecheza kwa mkopo Man City ana mapenzi ya kweli kwa Chelsea.
 
Alisema: "Frank ni mchezaji wa Man City, siamini hadidhi zake na mapenzi ya moyoni kwake, labda mimi ni mshamba wa mpira"
"Alipoamua kwenda kwa washindani wa moja kwa moja na Chelsea, mapenzi kwa timu yalikwisha. Alifanya kazi yake kiuweledi.
 
"Alipokelewa vizuri England na hii ndio England na hii ndio Chelsea. Watu wa Chelsea kamwe hawasahau kile watu wa Chelsea walifanya".
 
"Iliwahi kunitokea hata mimi  nikiwa kocha wa Inter. Ni utamaduni na uzuri wa Chelsea".

CHADEMA IRINGA YATANGAZA MAANDAMANO YA AMANI JUMATATU, POLISI WAYAPIGA MARUFUKU


Frank Nyalusi Mwenyekiti wa Chadema Iringa Mjini
Kama kawaida salamu za chama hicho za Peopleziii zilisika
Mlemavu huyo aliuliza swali katika mkutano huo akitaka kujua kati ya Samwel Sitta na Rais jakaya Kikwete ni nani ana madaraka makubwa zaidi kuhusu mchakato wa Katiba
CHAMA cha Demokrasia na Maendeleo (Chadema) Iringa Mjini, kimetangaza kufanya maandamano ya amani LEO Jumatatu ikiwa ni hatua ya kuitikia wito wa mwenyekiti wao, Freeman Mbowe wa kufanya maandamano hayo nchi nzima kushinikiza kusitishwa kwa Bunge la Katiba.

Mwenyekiti wa Chadema wa Iringa Mjin, Frank Nyalusi alitoa tangazo hilo jana katika mkutano wa hadhara wa chama hicho uliofanyika katika mtaa wenye machinga wengi maarufu kama Magari Mabovu, Kitanzani.

Katika mkutano huo uliohudhuriwa na vijana kadhaa huku ukiwa umezungukwa na askari Polisi kila kona, Nyalusi alisema “wapende wasipende, kesho tutafanya maandamano, tunaomba Polisi washiriki kulinda usalama wetu, kwani maandamano hayo yatakuwa ya amani.”

Alisema maandamano hayo yanalenga kupeleka ujumbe wa kusitishwa kwa mchakato wa bunge hilo kwa kuwa hauna maridhiano na fedha zitakazonusurika zitumike katika shughuli zingine za kijamii.

“Hatuwezi kupata Katiba kwa staili hiyo, tumemuomba Rais asitishe mchakato huo lakini tumepuuzwa na sasa tunadhani ni zamu ya watanzania wote kupaza sauti zao ili bunge hilo lisitishwe,” alisema.

Alipoulizwa baadaye maandamano hayo yataanzia wapi, Nyalusi hakuwa tayari kutaja ni eneo gani yataanzia kwa kile alichosema hawataki wapinzani wao wajue.

Kabla ya kutangazwa kwa maandamano hayo ya kesho jumatatu, jeshi la Polisi liliripotiwa na chama hicho kuwazuia kufanya maandamano kama hayo Jumamosi iliyopita.

Badala yake kwa mujibu wa Nyalusi, jeshi hilo liliwaruhusu kufanya mkutano wa hadhara katika eneo hilo la Magari Mabovu.

Katika mahojiano na gazeti hili, Kamanda wa Polisi Mkoa wa Iringa Ramadhani Mungi alisema jeshi lake halijapokea maombi ya maandamano hayo kutoka katika chama hicho.

 Aliwataka wafuasi wa chama hicho kuzingatia sheria, taratibu na kanuni wakati kikipanga na kufanya mambo yake.

Akitoa ufafanuzi huo kwa njia ya simu, Mungi alisema; “nchi hii kama zilivyo nchi nyingine inaendeshwa kwa sheria. Kwahiyo watu binafsi, serikali, vyama vya siasa na wengine wote ni lazima wazingatie hilo.”

Alisema mji wa Iringa upo shwari na kwamba jeshi hilo limejipanga kikamilifu kukabiliana na hali yoyote ile itakayoonekana inataka kuhatarisha amani.
 
CREDIT:FRANCIS GODWIN

MANCHESTER CITY YATOSHANA NGUVU NA CHELSEA


IMG_7407.JPG
Baada ya Man United kupokea kipigo kutoka kwa Leicester City, miamba mingine ya ligi kuu ya Uingereza Chelsea ilijitupa uwanjani kucheza na Manchester City.
Mchezo huo uliopigwa kwenye uwanja wa Etihad umeisha kwa matokeo ya sare 1-1.Dakika chache baada ya Pablo Zabaleta kutolewa kwa kadi nyekundu Chelsea walipata goli la kwanza kupitia mchezaji aliyetokea benchi Andry Schurrle.
Akitokea benchi mchezaji wa zamani wa Chelsea Frank Lampard aliunganisha krosi ya James Milner na kuisawazishia Man City.
Mpaka mpira unamalizika Man City 1-1 Chelsea.

VAN GAAL AKUBALI KUPOTEZA MECHI

VAN GAAL

Louis van Gaal amesema timu yake ya  Manchester United imepoteza pointi tatu muhimu baada ya kuchapwa mabao 5-3 na Leicester City.

Manchester ilianza kwa kuwa mbele kwa mabao mawili lakini cha ajabu mabao hayo yalirudishwa na kuongezwa mengine katika kipindi cha pili na kuiacha Manchester United ikiendelea kupata uhaba wa ushindi.

“Van Gaal amesema huezi kuamini kuwa unaongoza kwa mabao 3-1 na upo mbele kwa goli mbili zaidi katika kipindi cha kwanza,tulitakiwa kumaliza mchezo kwa ushindi lakini tulishindwa kufanya hivyo,tulitengeneza nafasi nzuri na tukashinda magoli  mazuri lakini hayakudumu kwa dakika zote 90 tulizocheza uwanjani",amesema Van Gaal.

Mchezo ulianza kuwageukia Manchester United pale muamuzi wa mchezo Mark Clarrenburg alipowapa penati baada ya Reafael kumfanyia madhambi Jamie Vardy katika eneo la penati ambayo Van Gaal alikataa kusema chochote kuhusu maamuzi hayo ya mwamuzi.

"wakati matokeo yanasomeka 3-2 hakukuwa na tatizo,tulidhani tutaumaliza mchezo kwa ushindi,tutautawala mchezo wote ambao tuliutawala katika dakika zote kumi za mwanzo na kufunga mabao maridadi,lakini hatukuwa makini tukaupoteza mchezo" alisema Van Gaal.

Hadi mwamuzi Mark Clarrenburg anapuliza kipyenga cha mwisho,Manchester United ilikuwa imelala kwa mabao 5-3.

TUMERUDI TENA HEWANI

BAADA YA KUKAA KIMYA KWA MUDA MREFU BLOG HII ILIKUWA KIMYA KUTOKANA NA SABABU MBALI MBALI ZA KIUFUNDI.TUNAOMBA RADHI KWA WALE WOTE WALIOKUWA WANAIFUATILIA NA KOKOSA TAARIFA MBALI MBALI KUTOKA KWENYE BLOG HII,KUANZIA SASA UTAENDELEA KUPATA HABARI NA MATUKIO MOTO MOTO NDANI NA NJE YA NCHI,KARIBUNI TENA

Saturday, July 19, 2014

NDEGE NDOGO YATUA BARABARANI KWA DHARULA NCHINI UGANDA BAADA YA KUISHIWA MAFUTA


Ndege ndogo ikiwa imebeba wafanyakazi wa jeshi la Marekani imetua kwa dhalura katikati ya barabara nchini Uganda baada ya kuishiwa mafuta.
 Msemaji wa jeshi la polisi nchini Uganda, Philip Mukasa, amesema kuwa ndege hiyo iliyokua imebeba abiria wanane wakiwemo wafanyakazi wawili wa ndege hiyo iliyokuwa ikielekea Sudani ya Kusini.

Rubani wa ndege hiyo aliamua kutua katikati ya barabara baada ya kugundua hakuwa na mafuta ya kutosha, ambapo aliamua kurudi uwanja wa kimataifa wa Entebbe na kuamua kutua kwa dharura kwenye mji wa Mityana uliopo kilomita 67 (maili 41) kutoka mji mkuu wa Kampala.

Katika dharura hiyo, hakuna mtu aliyejeruhiwa, na watu wote wametoka salama.

Haikuweza kufahamika kwa haraka sababu zilizomfanya rubani hakuelekea Sudan ya Kusini na badala yake kaamua kutua katikati ya barabara baada ya ndege hiyo kuishiwa mafuta.

BARAZA LA USALAMA LAKUTANA KUHUSU UKRAINE KUFUATIA AJALI YA NDEGE


BARAZA LA USALAMA WAKATI WA DAKIKA MOJA YA UKIMYA KUWAKUMBUKA WALIOPOTEZA MAISHA YAO KWENYE AJALI YA NDEGE

Baraza la Usalama la Umoja wa Mataifa, leo limekutana kuhusu hali nchini Ukraine, kufuatia ajali ya ndege ya Malaysia hapo jana mashariki mwa Ukraine, kwenye eneo linalodhibitiwa na waasi. Taarifa kamili na Amina Hassan
(Taarifa ya Amina)
Mwanzoni mwa mkutano wa leo, Rais wa Baraza la Usalama, Richard Gasana, amewasilisha ujumbe wa rambirambi za wanachama wake kwa familia za wahanga wa ajali hiyo, na serikali za nchi zilizopoteza raia wao
GASANA
"Naomba nyote msimame na kubaki kimya kwa dakika moja, kuwakumbuka waliopoteza maisha yao"
Akizungumza kwenye mkutano huo, Msaidizi wa Katibu Mkuu kuhusu masuala ya kisiasa, Jeffrey Feltman wakati hali inaendelea kuzorota kwa kasi nchini Ukraine, inasikitisha kuwa mwanga wa matumaini ulioonekana baada ya kutangazwa mpango wa Rais Poroshenko wa amani, ukiwemo usitishaji mapigano, sasa umedidimia haraka. Kuhusu baa la ndege ya Malaysia, ambalo chanzo chake bado hakijathibitishwa, Bwana Feltman amesema
"Katibu Mkuu amesikitishwa na ripoti zinazoonekana kuwa za kuaminika kuwa kombora la kurushwa angani lilitumiwa. Katibu Mkuu analaani vikali hiki kinachoshukiwa kuwa utunguaji wa kukusudia wa ndege ya kiraia. Tukio hili la kutia hofu ni ukumbusho wa jinsi hali mashariki mwa Ukraine ilivyo mbaya mno, na jinsi inavyoathiri nchi na familia nje ya mipaka ya Ukraine."

ANGALIA PICHA ZA WATUHUMIWA 16 WANAODAIWA KUJIHUSISHA NA VITENDO VYA UGAIDI WAKIPANDISHWA KIZIMBANI NCHINI.

ASKARI WA KUTULIZA GHASIA FFU PAMOJA NA WA MAGEREZA WAKIWEKA ULINZI MKALI WAKATI WATUHUMIWA WA UGAIDI WAKIFIKISHWA MAHAKAMANI


Baadhi ya watuhumiwa wanaodaiwa kujihusisha na vitendo vya ugaidi  








Monday, July 14, 2014

SHAKIRA, WYCLEF WALIVYOWASINDIKIZA GERMANY KUTWAA KOMBE LA DUNIA 2014 JANA USIKU






Mshambuliaji wa German Mario Goetze (kushoto) akishangilia bao pekee aliloifungia timu yake dhidi ya Argentina, katika dakika za nyongeza fainali za Kombe la Dunia jana usiku. German ilishinda bao 1-0

TIMU ya Germany, jana usiku imeibuka mabingwa wapya wa michuano ya Kombe la Dunia 2014 'FIFA World Cup', baada ya kuifunga Argentina kwa bao 1-0, katika mchezo wa Fainali za Kombe la Dunia uliochezwa kwenye Uwanja wa Maracana jijini Rio de Janeiro.

Timu hizo zilimaliza dakika 90 bila ya kufungana na kuongezwa dakika 30 ambapo German iliweza kuibuka na ushindi wa bao 1 lililofungwa na MARIO GOETZE, katika dakika ya 22 kati ya dakika 30 za nyongeza bao lililodumu hadi kumalizika kwa dakika hizo za nyongeza.

Germana wameweza kutwaa Kombe hilo kwa mara ya nne sasa tangu kuanzishwa kwa michuano hiyo ambapo kwa mara ya kwanza ililinyakuwa mnamo mwaka 1954, 1974, 1990 na hatimaye 2014.
Mchezaji wa zamani wa Kimataifa wa Hispania, Carles Puyol, akipozi mbele ya Kombe la Dunia na Mwanamitindo wa Brazil, Gisela Bundchen baada ya kombe hilo kuwasili uwanjani hapo jana kabla ya kuanza kwa fainali hizo.

RAIS KIKWETE MGENI RASMI KATIKA SHEREHE ZA MIAKA 75 YA KANISA LA TAG JIJINI MBEYA.


Kutoka kushoto ni Askofu Mkuu wa TAG Dkt Barnabas Weston Mtokambali katikati ni Rais Dkt Jakaya Kikwete na Mkuu wa Mkoa wa Mbeya Mh. Abbas Kandoro , wakiwa wanaimba wimbo wa Taifa kabla ya Sherehe kuanza Rasmi.
 Askofu Mkuu wa TAG Dkt Barnabas Weston Mtokambali  akitoa salam za Shukurani kwa Mgeni Rasmi Dkt Jakaya Mrisho Kikwete pia kutoa Historia ya kanisa la TAG toka lilipoanza mpaka sasa linatimiza Miaka 75.
Rais Jakaya Mrisho Kikwete akihutubia maelfu ya wananchi kwenye kilele cha Sherehe za Miaka 78 ya kanisa la Tanzania Assemblies of God katika uwanja wa Kumbukumbu ya Sokoine jijini Mbeya  Julai 13, 2014
 Baadhi ya Viongozi wa Chama na Serikali wakiwa katika maadhimisho hayo 
 Charles Mwakipesile akiwatunza watoto baada ya kusoma Bibilia kwa umakini kutoka kichwani
 Sherehe zimepamba moto
 Baadhi ya Wageni waalikwa kutoka Nje ya nchi waliokuja kuhudhuria Miaka 75 ya TAG
 Ankali Issa Michuzi katika Sherehe hizo za Miaka 75 ya TAG
 Askofu Mkuu wa TAG Dkt Barnabas Weston Mtokambali katikati akiwa anazungumza jambo wakati walipokuwa wakijiandaa kutoa zawadi mbalimbali.
 Rais Jakaya Mrisho Kikwete akizindua kitabu cha Tanzania Assemblies of God (TAG) akiwa na Askofu Mkuu wa TAG Dkt Barnabas Weston Mtokambali wakati wa kilele cha Sherehe za Miaka 78 ya kanisa hilo katika uwanja wa Kumbukumbu ya Sokoine jijini Mbeya  Julai 13, 2014
Rais Jakaya Mrisho Kikwete akikabidhiwa tuzo na Askofu Mkuu wa Tanzania Assemblies of God (TAG) Dkt Barnabas Weston Mtokambali wakati wa kilele cha Sherehe za Miaka 78 ya kanisa hilo katika uwanja wa Kumbukumbu ya Sokoine jijini Mbeya leo Julai 13, 2014
 Baadhi ya wadau
 Rais Dkt Jakaya Mrisho Kikwete akisalimiana na Baadhi ya Viongozi wa Kanisa la TAG kutoka Marekani 
 Watoto wakitoa Burudani 
Picha ya Pamoja baada ya Sherehe kumalizika
Picha zote na Mbeya yetu.

Wednesday, July 2, 2014

IDADI YA WATU WALIOKUFA KATIKA AJALI YA NDEGE YA MIZIGO JOMO KENYATTA LEO ALFAJIRI WAFIKIA WA



254
Askari wa Jeshi la Kenya wakiwa eneo la tukio wakijaribu kutoa msaada katika Ndege ya mizigo iliyoanguka leo asubuhi katika eneo la Utawala kwenye Uwanja wa Jomo Kenyatta, jijini Nairobi.
Taarifa kutoka Kenya zinasema kuwa mpaka sasa imefahamika kuwa jumla ya watu wanne akiwamo Rubani, waliokua kwenye ndege hiyo wameripotiwa kufa baada ya ndege hiyo kuanguka dakika chache tu baada ya kupaa kutoka kwenye uwanja huo ikielekea Moghadishu, Somalia.
Ajali hiyo imetokea alfajiri ya leo ambapo imeelezwa kuwa ndege hiyo ilikua iondoke mapema kusafirisha zao la Mirungi na bidhaa nyinginezo kuelekea Somalia.
Akithibitisha ajali hiyo Mkuu wa Polisi wa Jiji la Nairobi, Benson Kibue, amesema kuwa kuwa Ndege hiyo yenye nambari 5Y-CET ilianguka kwenye paa la jengo la kibiashara wakati likijaribu kutua ghafla baada ya kutokea hitilafu katika ndege hiyo na kushika moto kisha kuanza kuteketea na watu wanne waliokua ndani.
Aidha kwa mujibu wa Mkuu wa Polisi wa Jijini Nairobi, Benson Kibue, amesema kuwa katika ajali hiyo walinzi wawili walijeruhiwa mmoja ametibiwa na kuruhusiwa kurejea nyumbani huku mmoja akilalazwa katika hospitali ya Mama Lucy.
Polisi wanaendelea na uchunguzi kwenye mabaki ya ndege hiyo kuona iwapo kuna waathirika zaidi.

Saturday, June 21, 2014

WATU SITA WAMEFARIKI PAPO HAPO KATIKA AJALI BARABARA YA BAGAMOYO ENEO LA MAKONGO JIJINI DAR ES SALAAM

BAADHI YA WATU WALIOPOTEZA MAISHA KUTOKANA NA AJALI HIYO

HALI ILIVYOKUWA ENEO LA AJALI

MOJA YA BASI LILOHUSIKA KATIKA AJALI

HII NDIYO HALI HALISI ENEO LA AJALI

ENEO LA AJALI

Watu sita wamekufa papo hapo na wengine 12 wamejeruhiwa katika ajali iliyohusisha magari manne yakiwemo mawili ya abiria iliyotokea eneo la Makongo barabara ya bagamoyo jijini Dar es Salaam leo saa saba mchana.

Walioshuhudia ajali hiyo wamesema imetokea wakati dereva wa gari la abiria lililokuwa likielekea Mwenge kutoka Tegeta ambaye alikuwa katika mwendo wa kasi kubwa kushindwa kulimudu gari lake na kusababisha kuhamia upande wa pili wa barabara na kuligonga basi lingine la abiria lililokuwa likitokea Mwenge kuelekea Tegeta.

Akielezea ajali hiyo,kamanda wa kikosi cha usalama barabarani mkoa wa kipolisi kinondoni kamanda AWADH HAJI amesema ajali hiyo ilitokea saa saba mchana na kuhusisha magari manne moja likiwa la raia wa China ambalo liliwakanyaga majeruhi na kuwaua sita kati yao.

Mganga Mkuu wa hospiitali ya jeshi Lugalo ambako maiti na majeruhi walipelekwa brigedia jenerali Dr Makere Josiah amethibitisha kupokea majeruhi kumi na wawili na maiti sita huku wengine hali zao zikiwa mbaya na kukimbizwa hospitali ya taifa Muhimbili kwa matibabu zaidi.

TAZAMA PICHA ZA BABU SEYA NA MWANAE PAPII KOCHA WAKITUMBUIZA KATIKA MAADHIMISHO YA SIKU YA MAGEREZA

NGUZA VICKING AKILICHARAZA GITAA HUKU PAPII AKIIMBA

PAPII KOCHA AKICHEZA KWA MADAHA




PAPII KOCHA AKIIMBA HUKU BABA YAKE NGUZA VICKING AKIPIGA GITAA KATIKA MAADHIMISHO YA SIKU YA MAGEREZA YALIYOFANYIKA KATIKA BWALO LA MAGEREZA SIKU YA IJUMAA 20/06/2014 DAR ES SALAAM

PAPII AKITUMBUIZA NA WAFUNGWA WENZIE

PAPII AKIIMBA KWA HISIA WIMBO MAALUM WA SIKU YA MAGEREZA

PAPII AKIMUANGALIA BABA YAKE ANAVYOLICHARAZA GITAA

NGUZA VICKING NA MWANAE WAKITUMBUIZA

PAPII KOCHA MTOTO WA MFALME


Related Posts Plugin for WordPress, Blogger...